शत्रु शक्तिले परमाणु अस्त्र प्रयोग गर्ने दुष्प्रयास गरे घातक प्रतिकारको सामना गर्नुपर्नेछ : प्रजग कोरिया

प्रजातान्त्रिक जनगणतन्त्र (प्रजग) कोरियाको राष्ट्रिय रक्षा मन्त्रालयका प्रवक्ताले डिसेम्बर १७ मा “शत्रु शक्तिहरूले आणविक प्रयोग गर्ने कुनै पनि प्रयासलाई पूर्वनिर्धारित र घातक प्रतिकारको सामना गर्नुपर्नेछ” शीर्षकमा वक्तव्य जारी गर्नुभएको छ ।

संरा अमेरिका र दक्षिण कोरियाका सैन्य गुण्डाहरूले यो वर्षभरि ठूलो मात्रामा आणविक अस्त्रधारी क्षेप्यास्त्र साधनहरू तैनाथ गर्ने र संयुक्त सैन्य अभ्यासहरू गर्ने जस्ता लापरवाह गरेर कोरियाली प्रायःद्वीपको स्थितिलाई बिगारेका छन् । उनीहरूले यो वर्षलाई आणविक युद्धको पूर्वावलोकनको साथ सैनिक उत्तेजनाको वर्षको रूपमा अन्त गर्न लागेका छन् ।

संरा अमेरिका र दक्षिण कोरियाका युद्धपिपासुहरूले डिसेम्बर १५ का दिन वासिङ्टनमा ‘न्युक्लियर कन्सल्टेटिभ ग्रुप (एनसीजी)’ को दोस्रो बैठक आयोजना गरे । उनीहरूले ‘आणविक रणनीतिक योजना र यसको सञ्चालनका दिशानिर्देशहरू’ पूरा गर्ने घोषणा गरे । अर्को वर्षको मध्यमा विस्तारित प्रतिरोध प्रणाली र अर्को वर्षको अगस्टमा ठूलो मात्रामा संयुक्त सैन्य अभ्यास ‘उल्जी फ्रिडम शिल्ड’ को समयमा परमाणु अपरेसन ड्रिल सञ्चालन गर्ने उनीहरूले बताइरहेका छन् ।

यो आणविक भिडन्तको खुला घोषणा हो जुन आणविक हतियारको प्रयोगलाई आपत्कालीन अवस्थामा प्रजग कोरियाविरुद्ध प्रयोग गर्न र वास्तविक युद्धको वातावरणमा त्यसको कार्यान्वयनको लागि परिचालन प्रक्रियाहरूको परीक्षण हो ।

यस वर्षको अन्त्यसम्म आफ्नो देशविरुद्धका शत्रुतापूर्ण र उत्तेजक कार्यहरू गरेर कोरियाली प्रायःद्वीपमा र वरपर तनावलाई अधिकतम बनाएकोमा दक्षिण कोरियाका सैन्य गुण्डाहरू र संरा अमेरिकाका लापरवाहीपूर्ण सैन्य चालहरूको प्रजग कोरियाका क्रान्तिकारी सशस्त्र बलहरूले कडा निन्दा गरेका छन् ।

वासिङ्टनमा आणविक युद्धको लागि खतरनाक षड्यन्त्र रच्नेबित्तिकै कोरियाली प्रायःद्वीपमा आणविक शक्तियुक्त पनडुब्बी मिसौरी पठाउने संरा अमेरिकाको नियत स्पष्ट छ । यस्तो नाजुक अवस्थाले हाम्रो सशस्त्र बललाई थप आक्रामक प्रतिकार्य उपायहरू रोज्न दबाब दिएको छ ।
जनवरीमा अमेरिकी वायुसेनाको बी–१बी रणनीतिक बमवर्षकको प्रवेशबाट सुरु भएको र डिसेम्बरमा अमेरिकी नौसेनाको आणविक शक्तिबाट चल्ने पनडुब्बीको भ्रमणसँगै अन्त्य हुने अस्थिर राजनीतिक र सैन्य अवस्थाले यो वर्षको स्थितिलाई छर्लङ्ग पार्छ । कोरियाली प्रायःद्वीपमा एकपक्षीय रूपमा बयानबाजी वा आचरणद्वारा सैन्य तनाव बढाउने संरा अमेरिका र त्यसको कठपुतली दक्षिण कोरियाली सेनाबाहेक अरू कोही होइनन् ।

हरेक क्षण, कोरियाली प्रायःद्वीपमा आणविक द्वन्द्वको सङ्कट समयको बिन्दुमा परिणत हुँदै छ । परमाणु अस्त्रको हमला सम्भावनाको मुद्दा मात्र रहेको छैन किनभने परमाणु हमलाकोे माध्यमको प्रयोग गर्ने संरा अमेरिकाको दुस्साहसिक सैन्य सिद्धान्त अझ खतरनाक दिशामा विकसित हुँदै छ ।
संरा अमेरिका र दक्षिण कोरियाको लापरवाहपूर्ण सैन्य धम्कीका कारण कोरियाली प्रायःद्वीपमा सुरक्षा वातावरण अझै स्थिर हुन सकेको छैन । वर्षको अन्त्य र नयाँ वर्षको सुरुवातसँगै कोरियाली प्रायःद्वीपमा शान्ति र स्थिरतालाई बेदखल गरी पुनः आणविक रणनीतिक माध्यमहरू प्रस्तुत गर्ने संरा अमेरिकाको उत्तेजक कार्यलाई प्रजग कोरियाले कहिल्यै पनि बेवास्ता गर्न सक्दैन ।
प्रजग (उत्तर) कोरियाको सशस्त्र सेनाले आणविक युद्ध थाल्ने संरा अमेरिका र यसका कठपुतली सेनाको प्रयासलाई पूर्ण रूपमा निष्प्रभावी पार्नेछ र देश र जनताको अधिकार र हितको रक्षाका लागि कोरियाली प्रायःद्वीप र क्षेत्रमा शान्ति र सुरक्षालाई विश्वसनीय रूपमा सुनिश्चित गर्नेछ र विश्वको सार्वभौमसत्ता र क्षेत्रीय अखण्डताको रक्षा गर्ने आफ्नो संवैधानिक कर्तव्यलाई इमानदारीपूर्वक पूरा गर्नेछ ।

प्रजग कोरियाविरुद्ध सशस्त्र बल प्रयोग गर्ने शत्रु शक्तिहरूको कुनै पनि दुष्प्रयासले पूर्वनिर्धारित र घातक प्रतिकारको सामना गर्नुपर्नेछ ।