न्यूज अपडेट संवाददाता
भक्तपुर, २३ चैत
समय बचत तथा ऋण सहकारी संस्था लि.भक्तपुरका प्रतिनिधिमण्डल मंगलबार दोलखा चरिकोटस्थित रहेको मिलिजुली कालिञ्चोक बचत तथा ऋण सहकारी संस्था मा अध्ययन भ्रमण सम्पन्न भएको छ ।
समय साकोसका अध्यक्ष श्याम सुन्दर बेकोजुले जिम्मेवार पदमा रहेका काम गर्नेका लागि यो भ्रमण फलदायी रहेको बताएको छ । यस भ्रमणले सदस्यहरुमा सहकारीको नयाँ नीति, नियम, कार्यविधिको प्रयोग र अद्यावधिक गरिरहनुपर्ने कुरा सिकेको उनको कथन छ ।
मिलिजुली साकोसका सहायक व्यवस्थापक रमेश सापकोटाले सहकारी ज्ञान साटासाट भएको बताउँदै सहकारीको महत्वबारे स्पष्ट पारे । उक्त संस्थाका ऋण असुली अधिकृत राजन श्रेष्ठले संस्थाको कार्य विवरण प्रस्तुतीकरण गरेको थियो ।
