न्यूज अपडेट भक्तपुर
भक्तपुर, ११ बैशाख
वरिष्ठ नाट्यकार र एवं पत्रकार जीतबहादुर देउजा (विजय विस्फोट) शनिवार सम्मानित भएका छन् । स्वतन्त्र पत्रकार संघ जिल्ला शाखा भक्तपुरले उनलाई एक समारोहवीच बधाई तथा सम्मान गरेको हो ।
राष्ट्रपति रामचन्द्र पौडेलबाट प्रबल जनसेवाश्री पदकबाट हालै विभूषित हुन सफल भएकोमा जिल्लाबासीकोतर्फबाट उनलाई बधाई तथा सम्मान गरेको हो । स्वतन्त्र पत्रकार संघका केन्द्रीय सल्लाहकार डा इन्दुल केसी र जिल्ला अध्यक्ष सुरेशप्रसाद सैंजूले संयुक्त रुपमा विभूषित विस्फोटलाई खादा ओढाई प्रमाणपत्रबाट सम्मान गरिएको थियो ।
विभूषित विस्फोट भक्तपुरको सूर्यविनायक नगरपालिका वडा नं ७ गुण्डुबासी हुन् । जिल्लाको तर्फबाट विभूषित हुन सफल भएकोमा उनलाई बधाई तथा सम्मान गरेको हो । नाटक क्षेत्रमा चार दशक विताएका विस्फोटलाई नाटक क्षेत्रमा गरेको योगदानको कदरस्वरुप विभूषित गरेको थियो ।
कार्यक्रममा सम्मानित व्यक्तित्व विस्फोटले राज्यको सर्वाेच्च निकायबाट पाएको यो सम्मान आफ्नो मात्रै नभई सम्पूर्ण जिल्लाबासीको रहेको बताए । आफूले सम्मान पाउनुमा जिल्लाबासीको पनि प्रत्यक्ष अप्रत्यक्ष हात रहेको चर्चा गर्दै यही कारण आफ्नो सम्मानमा सम्पूर्ण जिल्लाबासीको गर्वको विषय भएको उनले बताए । उनले राष्ट्रपतिबाट हुने सम्मान दलगत नभई योगदानको आधारमा स्वच्छ रुपमा हुनुपर्नेमा विशेष जोड दिए ।
आफ्नो व्यक्तित्वबारे चर्चा गर्दै उनी नेपालमा जन्मेको र बुबा भारतीय सेनामा कार्यरत रहँंदा आफू भारतको नयाँं दिल्लीमा हुर्केको बताए । भारतमा हुर्केबढेकाले आफूलाई नेपाली बोल्न नआउने र यही कारण जिल्ला प्रशाशन कार्यालय भक्तपुरले आफूलाई नागरिकता लिन जाँंदा पक्राउ गरी नजरवन्दमा राखेको स्मरण गरे । घटनापछि सारा आफ्नो गाउँं गुण्डुका जनप्रतिनिधि तथा गाउँंले आई प्रमाणित गरेपछि आफूले नागरिकता पाएको उनले सम्झे । यही घटनाबाट आफूले नेपाली भाषाको स्वअध्ययन गर्न सुरु गरेको र यही क्रममा पत्रकार तथा नाटककार भएको खुलाशा उनले गरे । कुनैकुनै घटनाले मानिसको जीवनलाई अर्काेतिर मोडदो रहेछ, उनले भने ।
कार्यक्रममा स्वतन्त्र पत्रकार संघ नेपालका केन्द्रीय सल्लाहकार डा इन्दुल केसीले स्वतन्त्र पत्रकारितामा जोड दिए । उनले व्यक्ति जुनसुकै पार्टीको विचारमा रहेपनि पत्रकारिता क्षेत्रमा स्वतन्त्र र निष्पक्षपूर्वक काम गर्नुपर्ने बताए ।
संघका केन्द्रीय पार्षद् स्वतन्त्र पत्रकार कृष्ण किसीले पत्रकारिताको स्वच्छतामा जोड दिए । पत्रकारिता पेशा सम्मानित पेशा भएको भन्दै उनले पत्रकारिता स्वच्छ हुनुपर्ने बताए ।
कार्यक्रममा स्वतन्त्र पत्रकार संघ जिल्ला शाखा भक्तपुरका सचिव प्रेम प्रजापति, सदस्य रामकृष्ण प्रजापतिलगायतले पत्रकारिताको महत्वबारे चर्चा गरे । कार्यक्रममा हालै निर्वाचित स्वतन्त्र पत्रकार संघ भक्तपुरका नवनिर्वाचित पदाधिकारीहरुलाई बधाई तथा पहिलाको कार्यकालमा पदाधिकारी रहेर योगदान गर्नेहरुलाई कृतज्ञता प्रमाणपत्र प्रदान गरिएको थियो । साथै सल्लाहकारहरुलाई पनि प्रमाणपत्र वितरण गरिएको थियो ।
