न्यूज अपडेट संवाददाता
भक्तपुर, ३० कार्तिक
नेपाल मजदुर किसान पार्टीको आयोजनामा देशको विभिन्न क्षेत्रमा चुनावी सभा गर्ने क्रममा आज दतात्रय स्क्वायरमा कार्यक्रम गर्ने भएको छ ।
मंसिर ४ गते हुने प्रदेश सभा र प्रतिनिधि सभाको निर्वाचनमा जनताको चेतनास्तर उकास्न र पार्टी तथा पार्टीले उठाएका उम्मेदवारहरुलाई जिताउन उक्त पार्टीको चुनव चिन्ह मादल लिएर आएको पार्टी स्रोतले बताएको छ । उक्त पार्टीले यो निर्वाचनलाई देशभक्त र देशघाटीबीचको लडाइँको रुपमा हेर्ने जानकारी दिएको छ । एमसीसी, एसपीपी, नागरिकता विधेयक लगायतका देशघाटी कदमको विरुद्ध उठेको उक्त पार्टीले देशव्यापी ५८ जिल्लामा यसै विषयलाई घोषणापत्रमा उल्लेख गरी उम्मेदवारी दिएको छ ।
स्थानीय निर्वाचनमा भक्तपुर नगरमा अन्य पार्टीलाई क्लिन स्वीप गरेको उक्त पार्टीले यस पटक पनि अन्य पार्टीलाई कुनै स्थान नदिने बताइएको छ । बैचारिक र सैद्धान्तिक विचलनका बीच भएका गठबन्धनले भक्तपुरलाई हलाउन नसक्ने बताइएका उक्त पार्टीले यसपटक देशब्यापी रुपमा भएका पार्टीका क्रियाकलापले समानुपातिकतर्फको मत उल्लेख्य रुपमा वृद्धि हुने जानकारी दिएको छ । निर्वाचन आयोगको आचारसंहितामा कुनै खालको समस्या नल्याइएका उक्त पार्टीले शासक दलका पार्टीबाटै आचारसंहिता विपरितका क्रियाकलाप प्रष्ट्याइएका छन् ।
सोही क्रममा भक्तपुर जिल्ला स्तरीय चुनावी सभा स्थानीय टौमढीमा हुने जानकारी दिएको छ ।