न्यूज अपडेट
अमेरिकामा कोरोना भाइरसको संक्रमणको कारण मृत्यु हुनेको संख्या ७७ हजार नाघेको छ।
नेपाली समय अनुसार शनिबार बिहान ८ः३० बजे सम्मको तथ्यांक अनुसार अमेरिकामा मृत्यु हुनेको संख्या ७७ हजार १ सय ७९ पुगेको छ।
युकेमा ३१ हजार ३ सय १६ जनाको मृत्यु भएको छ। त्यस्तै इटालीमा ३० हजार २ सय १, स्पेनमा २६ हजार २ सय ९९, फ्रान्समा २६ हजार २ सय ३३ जनाको मृत्यु भएको छ।
जोन्स हपिकन्स युनिभर्सिटीको तथ्यांक अनुसार विश्वभरमा २ लाख ७६ हजार ८ सय ६३ जनाको मृत्यु भएको छ।
२४ घण्टामा संसारभर कुल संक्रमितको संख्या ३९ लाख ३७ हजार ८ सय १३ पुगेको छ।
अमेरिकामा १२ लाख ८३ हजार ९ सय ८, स्पेनमा २ लाख २२ हजार ८ सय ५७, इटालीमा २ लाख १७ हजार १ सय ८५, युकेमा २ लाख १२ हजार ६ सय २९, रसियामा १ लाख ८७ हजार ८ सय ९९, फ्रान्समा १ लाख ७६ हजार २ सय २ जना संक्रमित भएका छन्।
विश्वभर १३ लाख १९ हजार ४ सय ४७ जना मानिस निको भएर घर फर्किसकेका छन्।
अमेरिकामा १ लाख ९८ हजार ९ सय ९३, जर्मनीमा १ लाख ४१ हजार ७ सय, स्पेनमा १ लाख ३१ हजार १ सय ४८, इटालीमा ९९ हजार २३ जना निको भएर घर फर्किसकेका छन्।
सार्क देशको अवस्था
भारतमा संक्रमितको संख्या ५९ हजार ६ सय ९५ पुगेको छ। १ हजार ९ सय ८५ जनाको मृत्यु भएकोे छ। भारतमा १७ हजार ८ सय ८७ जना उपचार पछि निको भएका छन्।
पाकिस्तानमा संक्रमितको संख्या २६ हजार ४ सय ३५ पुगेको छ। ५ सय ९९ जनाको मृत्यु भएको छ। ७ हजार ५ सय ३० जना निको भइसकेका छन्।
बंगलादेशमा संक्रमितको संख्या १३ हजार १ सय ३४ पुगेको छ। २ सय ६ जनाको मृत्यु भएको छ। २ हजार १ सय १ जना निको भएर घर फर्किसकेका छन्।
अफ्गानिस्तानमा संक्रमितको संख्या ३ हजार ७ सय ७८ पुगेको छ। १ सय ९ जनाको मृत्यु भएकोे छ। ४ सय ७२ जना निको भएर घर फर्किसकेका छन्।
श्रीलंकामा संक्रमितको संख्या ८ सय ३५ पुगेको छ। ९ जनाको मृत्यु भएको छ। २ सय ४० जना निको भएर घर फर्किसकेका छन्।
माल्दिभ्समा संक्रमितको संख्या ७ सय ४४पुगेको छ। ३ जनाको मृत्यु भएको छ। २० जना निको भएर घर फर्किसकेका छन्।
नेपालमा संक्रमितको संख्या १ सय २ पुगेको छ। ३१ जना निको भएर घर फर्किसकेका छन्।
भुटानमा ७ जना संक्रमित मध्ये ५ जना निको भएर घर फर्किसकेका छन्।
