आइतबारदेखि लागु हुने गरी संरा अमेरिकाले बितेका चौध दिनयता चीनको भ्रमण गरेका कोही पनि विदेशीलाई आफ्नो देश पस्न निषेध गरेको छ । यो विश्व स्वास्थ्य सङ्गठनको घोषणाविपरीत छ । विश्व स्वास्थ्य सङ्गठनको घोषणाबाट चीनमा भ्रमण वा व्यापार गर्न रोक लागेको छैन । यस्तो निर्णय गर्ने संरा अमेरिका पहिलो देश हो । यसले एउटा गलत दृष्टान्त स्थापित गरेको छ ।
नोभल कोरोनाभाइरस
(एनसीओभी– २०१९) का कारण विश्वमा फैलिएको भयका कारण चीनले कुनै पनि देशले चालेको प्रतिरक्षात्मक कदमको आलोचना गरेको छैन । त्यसको अर्थ चिनियाँ जनताले आफ्नै लेखाजोखा नगरेका भने होइनन् ।
कोरोना भाइरसको सङ्क्रमणविरुद्ध अहोरात्र लडिरहेका चिनियाँ स्वास्थ्यकर्मीलाई अहिलेसम्म संरा अमेरिकी सरकारले कुनै पनि खालको सहायता नदिएको हामीलाई राम्रो हेक्का छ । पाकिस्तानजस्ता अल्पविकसित देशहरूले समेत केही मास्क र अन्य प्रतिरक्षात्मक सामग्री दिएर चीनलाई सहयोग गरेका छन् ।
कोरोनाभाइरसविरुद्धको लडाइँमा चिनियाँ जनताको नेतृत्व गरिरहेको चिनियाँ कम्युनिस्ट पार्टीलाई संरा अमेरिकी विदेशसचिव माइक पम्पिओले बिहीबार ‘हाम्रो समयको सबभन्दा मुख्य चुनौती’ बताएका थिए । संरा अमेरिकी सिनेटर टम कटनले पनि यो सङ्कटलाई लिएर चीनविरुद्ध लगातार अतिरञ्जनापूर्ण दोषारोपण गरे ।
चीनभित्र पनि सुरुकै अवस्थामा यो भाइरसको प्रतिरोध गर्न नसकेको भन्दै आलोचना भएको छ । यो चिनियाँ समाजभित्र चलेको सामान्य छलफल हो । तर, विश्वस्तरमा यो संक्रमणविरुद्ध चीनको प्रतिक्रिया निकै सशक्त रह्यो । चिनियाँ कम्युनिस्ट पार्टी र चीन सरकारको नेतृत्वमा व्यापक स्तरमा चिनियाँ समाजको परिचालन भएको छ । सामान्य समयमा अविश्वसनीय काम पनि यो क्रममा तीव्र गतिमा भएको छ । सम्पूर्ण चिनियाँ समाजले सहयोग गरिरहेको छ । महामारीको प्रतिकारमा बृहत् र व्यवस्थित अवस्था बनेको छ ।
पछिल्ला संरा अमेरिकी समाचारअनुसार सन् २०१९–२०२० को रुघाको मौसम दसककै सबभन्दा खराब रह्यो । संरा अमेरिकी रोग नियन्त्रण तथा रोकथाम केन्द्रले यो मौसममा १ करोड ९० लाख मानिस रुघाले प्रभावित बनेको र कम्तीमा दस हजारको निधन भएको बताएको छ । मर्नेमध्ये कम्तीमा ६८ जना बालबालिका थिए । साथै रुघाको कारण कम्तीमा १ लाख ८० हजार मानिस अस्पतालमा भर्ना भएको बताइएको छ । केही संरा अमेरिकी सञ्चारमाध्यमअनुसार वास्तवमा कोरोना भाइरसभन्दा रुघा अझ बढी खतरनाक छ ।
विश्व स्वास्थ्य सङ्गठनले चीनले देखाएको सक्रियताको प्रशंसा गरेको छ । अहिलेसम्म भाइरसको कारण चीनबाहिर फिलिपिन्समा एकजना मानिसको मात्र निधन भएको छ । यो सङ्कट प्रतिरोधको लागि चीनले गरेको अतुलनीय पहल र त्यागको लागि संरा अमेरिकाबाट हामीले केही कदरको अपेक्षा गर्नु यहाँनेर जायज छ ।
सन् २००९ मा एच १ एन १ रुघा भाइरसले संरा अमेरिकालगायत संसारलाई प्रभावित पारेको थियो । वस्तुतः संरा अमेरिका त्यो भाइरसको स्रोत थियो । संसारभर त्यो रोगले लगभग २ लाख ८४ हजार मानिस मार्यो । विश्व स्वास्थ्य सङ्गठनले त्यो रोगको महामारीलाई अन्तर्राष्ट्रिय स्तरको जनस्वास्थ्य सङ्कटकालीन अवस्था घोषणा गरेको थियो । तथापि संरा अमेरिकाले त्यो रोगको प्रभावकारी नियन्त्रण गर्न सकेन । फलतः त्यो रोग संसारभर फैलिएको थियो ।
पछिल्ला संरा अमेरिकी समाचारअनुसार सन् २०१९–२०२० को रुघाको मौसम दसककै सबभन्दा खराब रह्यो । संरा अमेरिकी रोग नियन्त्रण तथा रोकथाम केन्द्रले यो मौसममा १ करोड ९० लाख मानिस रुघाले प्रभावित बनेको र कम्तीमा दस हजारको निधन भएको बताएको छ । मर्नेमध्ये कम्तीमा ६८ जना बालबालिका थिए । साथै रुघाको कारण कम्तीमा १ लाख ८० हजार मानिस अस्पतालमा भर्ना भएको बताइएको छ । केही संरा अमेरिकी सञ्चारमाध्यमअनुसार वास्तवमा कोरोना भाइरसभन्दा रुघा अझ बढी खतरनाक छ ।
मानिसलाई नोभल कोरोनाभाइरसबाट हुने निमोनिया अझै पनि प्रारम्भिक अवस्थाकै भएको थाहा छ । जनताप्रति उच्च जिम्मेवारी भावनाका साथ चीन सरकारले यो रोग फैलिन नदिन अहोरात्र मिहेनत गरिरहेको छ । यसले सिङ्गो संसारको कल्याण गर्नेछ । चीनको मूलभूमिभन्दा बाहिर अहिलेसम्म एक सय जनामात्र सङ्क्रमित भएका छन् । संरा अमेरिकी राजनीतिज्ञहरूले यो सङ्क्रमणलाई चीनमाथि हमला गर्ने हतियार बनाउनुहुन्न । त्यसो गर्नु कुनै पनि सामाजिक नैतिकताले नदिने कुरा उनीहरूलाई थाहा हुनुपर्छ ।
नोभल कोरोनाभाइरसले निसन्देह चीनको अर्थतन्त्रलाई प्रभावित बनाएको छ । तर, संरा अमेरिकी वाणिज्यसचिव विलबर रोजले यो घातक भाइरसले संरा अमेरिकामा रोजगारी बढाउन मद्दत गर्ने कुरा बिहीबार बोलेका छन् । यो अर्को अनैतिकता हो । संसारकै सबभन्दा ठूलो महाशक्तिलाई आफ्नो उत्पादन उद्योग पुनःस्थापना गर्ने र आफूलाई पुनः महान बनाउने के योमात्र एउटै बाटो हो ?
महामारी एकदिन बिदा हुनेछ । सत्र वर्षअघि सार्सको महामारीले दुःख दिएको बेला धेरै मानिसले चीनविरुद्ध बोलेका थिए । तर, त्यसपछि के भयो ? जनस्वास्थ्य सङ्कटविरुद्ध लड्ने चीनको क्षमतालाई कसैले पनि न्यूनाङ्कन गर्न हुन्न । धेरै देशले गर्न नसक्ने तरिकाबाट चीनले आज धेरै काम गरिरहेको छ । त्यसरी नै यो सङ्कटपश्चात् चीन तुरुन्तै पुनःस्थापित हुनेछ । केही देशहरूको दृष्टि अल्प छ । चीन अल्पकालीन समस्यामा फसेको समयमा कसैले पनि चिनियाँ जनताको भावनालाई चोट पुर्याउने गल्ती नगरोस् ।
स्रोतः ग्लोबल टाइम्स
